Íslandsmót golfklúbba í 1. deild karla fór fram á Jaðarsvelli á Akureyri dagana 25.-27. júlí 2024.Í þessari frétt er að finna upplýsingar um rástíma, stöðu og úrslit. 

Smelltu hér til að nálgast stöðu leikja og allar umferðir í einu skjali.

Smelltu hér fyrir myndasafn:

GKG og Keilir léku til úrslita um titilinn þar sem að GKG sigraði 4-1.

Þetta er í 9. skipti sem GKG sigrar í efstu deild Íslandsmóts golfklúbba. 

Í undanúrslitum sigraði Keilir lið Golfklúbbs Reykjavíkur 3-2. GKG sigraði GA 4,5-0,5.

Alls kepptu átta lið um Íslandsmeistaratitil golfklúbba 2024.

Lokastaðan: 

1. Golfklúbbur Kópavogs – og Garðabæjar, GKG
2. Golfklúbburinn Keilir, GK 
3. Golfklúbbur Reykjavíkur, GR 
4. Golfklúbbur Akureyrar, GA 
5. Golfklúbbur Selfoss, GOS 
6. Golfklúbbur Mosfellsbæjar, GM 
7. Golfklúbbur Suðurnesja, GS
8. Golfklúbburinn Setberg, GSE 

Fyrst var leikið á Íslandsmóti golfklúbba í karlaflokki árið 1961.

Frá þeim tíma hafa 6 klúbbar fagnað þessum titli.

Golfklúbbur Reykjavíkur hefur sigrað oftast eða 25 sinnum, þar á eftir kemur Golfklúbburinn Keilir með 15 titla,  Golfklúbbur Kópavogs og Garðabæjar er með 9, Golfklúbbur Akureyrar er með 8 titla, Golfklúbbur Suðurnesja 3, og Golfklúbbur Mosfellsbæjar er með 4 titla, þar af 2 þegar klúbburinn var Golfklúbburinn Kjölur.