Íslandsmótið í holukeppni 2024 í holukeppni fer fram dagana 14.-16. júní á Hlíðavelli hjá Golfklúbbi Mosfellsbæjar. Mótið er það 36. í röðinni frá því að fyrst var keppt árið 1988.
Keppt verður í karlaflokki á Íslandsmótinu í holukeppni dagana 22.-24. júní á Garðavelli á Akranesi.
Í fyrri hluta Íslandsmótsins í holukeppni, sem fram fór föstudaginn 14. júní var leikinn 36 holu höggleikur án forgjafar, þar sem sextán efstu keppendurnir komust áfram í útsláttarkeppni.
Að höggleik loknum eru leiknar fjórar umferðir í holukeppni.
Það er ljóst að nýtt nafn fer á bikarinn í kvennafloknum á Íslandsmótinu í holukeppni 2024 – en þeir keppendur sem komust áfram hafa ekki fagnað þessum titli áður.
Smelltu hér fyrir stöðuna í leikjunum í holukeppninni:
4. umferð – úrslitaleikir:
Anna Júlía Ólafsdóttir, GKG, náði yfirhöndinni í úrslitaleiknum gegn Fjólu Margréti Viðarsdóttur, GS á 5. holu. Anna Júlía átti eina holu fyrir 9. holuna og hún vann næstu fimm holur og tryggði sér sigurinn á 13. holur, 6&5. Þetta er fyrsti Íslandsmeistaratitill Önnu Júlíu í einstaklingskeppni í golfi.
3 umferð – undanúrslit:
Anna Júlía Ólafsdóttir, GKG sigraði Evu Kristinsdóttur, GM í undanúrslitum eftir spennandi leik. Eva var 2 holur upp þegar 9 holur voru búnar en Anna Júlía lék síðustu sex holur á tveimur höggum undir pari og tryggði sér 1/0 sigur.
Fjóla Margrét Viðarsdóttir, GS var fjórar holur upp eftir 8 holur en Þóra Sigríður náði að vinna tvær holur til baka þegar fjórar holur voru eftir. Fjóla fékk fugl á 15. og var þrjár upp og tryggði sér síðan 2/1 sigur á 17. holu.
2 umferð – 8 manna úrslit:
Hér fyrir neðan má sjá hvernig leikirnir fóru í 8-manna úrslitum, 2. umferð.
Þóra Sigríður Sveinsdóttir, GR hélt sigurgöngu sinni áfram með 5/4 sigri gegn Elsu Maren Steinarsdóttur, GK.
Fjóla Margrét Viðarsdótir, GS, átti góðan endasprett gegn Söru Kristinsdóttur, GM – þar sem að Fjóla vann 16. og 18. holuna til þess að tryggja sér sigurinn.
Eva Kristinsdóttir, GM vann einnig tvær síðustu holurnar til þess að tryggja sér sigur gegn Heiðrúnu Önnu Hlynsdóttur, GOS.
Anna Júlía Ólafsdóttir, GKG sigraði Jóhönnu Leu Lúðvíksdóttur, GR 3/2, en Anna Júlía var alltaf með yfirhöndina í leiknum.
1. umferð – 16 manna úrslit
Hér fyrir neðan má sjá hvernig leikirnir fóru í 1. umferð holukeppninnar. Tvær viðureignir fóru í bráðabana, þar sem að Þóra Sigríður Sveinsdóttir, GR,hafði betur á 19. holu gegn Heiðu Rakel Rafnsdóttur, GM – en Þóra Sigríður var í 16. sæti eftir höggleikinn en Heiða Rakel í því efsta.
Fjóla Margrét Viðarsdóttir, GS, og Kristín Sól Guðmundsdóttir, GM, léku þrjár holur í bráðabana um sigurinn þar sem að Fjóla Margrét tryggði sér sigurinn á 21. holu.
Heiða Rakel Rafnsdóttir, GM, og Heiðrún Anna Hlynsdóttir, GOS lék best allra í höggleiknum eða á 146 höggum (+4). Keppnin var mjög jöfn eins og sjá má hér fyrir neðan.
- umferð (fyrir hádegi 15. júní): 16 manna holukeppni.
Í 16-manna úrslitum mætast:
(1.) Heiða Rakel Rafnsdóttir, GM – Þóra Sigríður Sveinsdóttir, GR (16.).
(2.) Heiðrún Anna Hlynsdóttir, GOS – Andrea Ýr Ásmundsdóttir, GA (15.).
(3.) Anna Júlía Ólafsdóttir, GKG – Katrín Sól Davíðsdóttir, GM (14.).
(4.) Sara Kristinsdóttir, GM – Pamela Ósk Hjaltadóttir, GM (13.).
(5.) Kristín Sól Guðmundsdóttir, GM – Fjóla Margrét Viðarsdóttir, GS (12.).
(6.) Birna Rut Snorradóttir, GM – Jóhanna Lea Lúðvíksdóttir, GR (11.).
(7.) Eva Kristinsdóttir, GM – Berglind Erla Baldursdóttir, GM (10.).
(8.) Elsa Maren Steinarsdóttir, GK – Anna Sólveig Snorradóttir, GK (9.). - umferð (eftir hádegi 15. júní): 8 manna holukeppni þeirra sem áfram komast.
- umferð (fyrir hádegi 16. júní): Undanúrslit, 4 manna holukeppni þeirra sem áfram komast.
- umferð (eftir hádegi 16. júní): Úrslit, leikur um 3. sæti og úrslitaleikur.
Gert er ráð fyrir að úrslitaleikirnir hefjist um kl. 12:30 sunnudaginn 16. júní, og mótslok eru áætluð um 16:45.
Smelltu hér fyrir rástíma, stöðu og úrslit í höggleiknum:
Keppendur eru alls 41 og koma þeir frá 7 mismunandi klúbbum. Flestir keppendur eru frá Golfklúbbi Mosfellsbæjar, eða 13 alls. Golfklúbbur Reykjavíkur er með 9 og Golfklúbbur Kópavogs og Garðabæjar er með 8 keppendur. GM er með 32% af heildarfjölda keppenda á þessu móti.
Meðalforgjöfin í mótinu er 2,5 og meðaldur keppenda er 19,4 ár. Elsti keppandinn er 32 ára og yngstu keppendurnir eru 14 ára.
| Klúbbur | Fjöldi | Hlutfall | |
| 1 | Golfklúbbur Mosfellsbæjar | 13 | 32% |
| 2 | Golfklúbbur Reykjavíkur | 9 | 22% |
| 3 | Golfklúbbur Kópavogs og Garðabæjar | 8 | 20% |
| 4 | Golfklúbburinn Keilir | 6 | 15% |
| 5 | Golfklúbbur Akureyrar | 2 | 5% |
| 6 | Golfklúbbur Selfoss | 2 | 5% |
| 7 | Golfklúbbur Suðurnesja | 1 | 2% |
Íslandsmeistarar í holukeppni í kvennaflokki frá upphafi:
Alls hafa 18 leikmenn sigrað í kvennaflokki á Íslandsmótinu í holukeppni frá árinu 1988 þegar mótið fór fyrst fram.
Ragnhildur Sigurðardóttir hefur sigrað oftast eða 6 sinnum alls (1990, 1993, 1997, 2000, 2001 og 2005), Ólöf María Jónsdóttirer með 5 titla alls (1995, 1996, 1998, 1999 og 2004), Karen Sævarsdóttir er með 4 titla alls. (1988,1991, 1992 og 1994). Ólafía Þórunn Kristinsdóttir hefur sigrað þrívegis (2011, 2013 og 2020). Fjórir leikmenn hafa sigrað tvívegis: Þórdís Geirsdóttir (1989 og 2007), Signý Arnórsdóttir (2009 og 2012), Guðrún Brá Björgvinsdóttir (2017 og 2021) og Saga Traustadóttir (2019 og 2022). Saga er sú eina sem hefur skilað þessum titli til tveggja golfklúbba, en hún var Í GR árið 2019 en hún hefur verið í GKG undanfarin ár.
| Ár | Nafn | Klúbbur | Fjöldi titla |
| 1988 | Karen Sævarsdóttir | GS | 1 |
| 1989 | Þórdís Geirsdóttir | GK | 1 |
| 1990 | Ragnhildur Sigurðardóttir | GR | 1 |
| 1991 | Karen Sævarsdóttir | GS | 2 |
| 1992 | Karen Sævarsdóttir | GS | 3 |
| 1993 | Ragnhildur Sigurðardóttir | GR | 2 |
| 1994 | Karen Sævarsdóttir | GS | 4 |
| 1995 | Ólöf María Jónsdóttir | GK | 1 |
| 1996 | Ólöf María Jónsdóttir | GK | 2 |
| 1997 | Ragnhildur Sigurðardóttir | GR | 3 |
| 1998 | Ólöf María Jónsdóttir | GK | 3 |
| 1999 | Ólöf María Jónsdóttir | GK | 4 |
| 2000 | Ragnhildur Sigurðardóttir | GR | 4 |
| 2001 | Ragnhildur Sigurðardóttir | GR | 5 |
| 2002 | Herborg Arnarsdóttir | GR | 1 |
| 2003 | Helga Rut Svanbergsdóttir | GM (GKj) | 1 |
| 2004 | Ólöf María Jónsdóttir | GK | 5 |
| 2005 | Ragnhildur Sigurðardóttir | GR | 5 |
| 2006 | Anna Lísa Jóhannsdóttir | GR | 1 |
| 2007 | Þórdís Geirsdóttir | GK | 1 |
| 2008 | Ásta Birna Magnúsdóttir | GK | 1 |
| 2009 | Signý Arnórsdóttir | GK | 1 |
| 2010 | Valdís Þóra Jónsdóttir | GL | 1 |
| 2011 | Ólafía Þórunn Kristinsdóttir | GR | 1 |
| 2012 | Signý Arnórsdóttir | GK | 2 |
| 2013 | Ólafía Þórunn Kristinsdóttir | GR | 2 |
| 2014 | Tinna Jóhannsdóttir | GK | 1 |
| 2015 | Heiða Guðnadóttir | GM | 2 |
| 2016 | Berglind Björnsdóttir | GR | 1 |
| 2017 | Guðrún Brá Björgvinsdóttir | GK | 1 |
| 2018 | Ragnhildur Kristinsdóttir | GR | 1 |
| 2019 | Saga Traustadóttir | GR | 1 |
| 2020 | ÓIafía Þórunn Kristinsdóttir | GR | 3 |
| 2021 | Guðrún Brá Björgvinsdóttir | GK | 2 |
| 2022 | Saga Traustadóttir | GKG | 2 |
| 2023 | Perla Sól Sigurbrandsdóttir | GR | 1 |
Fjöldi titla eftir golfklúbbum á Íslandsmótinu í holukeppni í kvennaflokki:
Golfklúbbur Reykjavíkur er með flesta titla eða 15 alls og Golfklúbburinn Keilir kemur þar á eftir með 13 titla. Þessir klúbbar hafa sigrað í 77% af þeim Íslandsmótum sem fram hafa farið í holukeppni í kvennaflokki.
| Klúbbur | Fjöldi titla |
| Golfklúbbur Reykjavíkur, GR | 15 |
| Golfklúbburinn Keilir, GK | 13 |
| Golfklúbbur Suðurnesja, GS | 4 |
| Golfklúbbur Mosfellsbæjar | 2 |
| Golfklúbburinn Leynir, GL | 1 |
| Golfklúbbur Kópavogs og Garðabæjar | 1 |