Valviðmið landsliðshóps

Afreksstjóri velur kylfinga í landsliðshóp með því að nota eftirfarandi viðmiðanir (í engri sérstakri röð)

• Staða á heimslista
• Forgjöf
• Frammistaða í mótum innanlands og erlendis
• Meðaltal högga á keppnistímabili
• Persónulegur metnaður og ástundun
• Hæfni og framfarir
• Endurgjöf frá þjálfurum afrekskylfinga
• Eftirsóknarverð persónueinkenni, svo sem vilja og skyldurækni, þrauseigju, sjálfstjórn, líkamlega hreysti, gott viðmót og stuðning við liðsfélaga

Ástríða

Framsækni

Keppnisgleði

GSÍ skiptir alþjóðlegum áhugamannamótum upp í eftirfarandi 4 flokka.

Áherslur eru endurskoðaðar á ári hverju. 

A flokkur:

GSÍ leggur mikla áherslu á eftirfarandi mót. Þjálfarateymi fylgir með og GSÍ ber kostnað þátttakenda að fullu.

HM liða (World Amateur Team Championship – Eisenhower & Espirito Santo Trophies)

EM liða (European Team Championship)

European Young Masters

Spirit International Championship

B flokkur:

GSÍ leggur áherslu á eftirfarandi mót og veitir umfangsmikinn styrk.  Þáttakendur bera ábyrgð á skráningu og ferðatilhögun og lögð er áhersla að þjálfari veiti góðan stuðning. 

EM einstaklinga (European Individual Amateur Championships)

Opna breska (The Amateur & The Womens Amateur Championships)

Opna breska pilta og stúlkna (Boys Amateur & Girls Amateur)

Opna bandaríska (U.S. Amateur Championship)

Opna bandaríska pilta og stúlkna (U.S. Junior Amateur Championship)

C flokkur: 

GSÍ mælir með ákveðnum mótum og veitir minni styrki úr ferðasjóði. Þátttakendur bera ábyrgð á skráningu og ferðatilhögun og þjálfari veitir stuðning eftir bestu getu.

D flokkur:

GSÍ mælir með ákveðnum mótum en veitir ekki fjárhagslegan stuðning. Þátttakendur bera ábyrgð á skráningu og ferðatilhögun. 

Birt með fyrirvara um breytingar.

Valviðmið í Evrópu- og Heimsmeistaramót

Afreksstjóri velur lið og einstaklinga til þátttöku með því að nota eftirfarandi viðmiðanir (í engri sérstakri röð)

• Staða á heimslista áhugamanna
• Frammistaða í mótum í aðdraganda valsins
• Frammistaða í mótum innanlands og erlendis
• Meðaltal högga á keppnistímabili
• Hæfni kylfings til þess að vera hluti að liði og stuðla að markmiðum liðsins og skila sínu í aðstæðunum.
• Eftirsóknarverð persónueinkenni, t.d. vilja, skyldurækni, þrauseigju, sjálfstjórn, líkamlega hreysti, gott viðmót og stuðning við liðsfélaga

Þessi listi er leiðbeinandi og ekki tæmandi. Einstaklingar þurfa ekki að vera í landsliðshóp til að vera valdir í landsliðsverkefni.

Karlar

Konur

Áhersla á fræðslu og keppnislíkar æfingar  Tæknileg þjálfun fer fram hjá þjálfurum afrekskylfinga.  

Breytilegar staðsetningar, fer eftir eðli æfingarinnar.

Heilbrigðisteymi samanstendur af fagfólki sem koma að heilbrigðisþáttum og mælingum s.s. læknar, sjúkraþjálfarar, íþróttasálfræðingar, næringafræðingar, íþróttafræðingar og annað fagfólk

Markmið með heilbrigðisteymi er að efla aðgengi afrekskylfinga að þess fagfólki sem mun aðstoða afrekskylfinga við að kanna og greina núverandi líkamlegt og andlegt ásigkomulag sem og tæknilega færni og kunnáttu. Þannig verður mögulegt að þróa áætlun og vinna að því bæta árangur og t.d. fyrirbyggja meiðsli. 

Heilbrigðisteymið mun jafnframt koma að almennri fræðslu fyrir afrekskylfinga

Landsliðskylfingar sem nýta sér þjónustu fagfólks heilbriðgisteymis geta sótt styrk frá GSÍ að hámarki 30.000kr á ári.

EM og HM

Konur, HM 

Karlar, HM

Hegðunarviðmið ÍSÍ

Samskiptaráðgjafi hefur það markmið að auka öryggi í íþrótta- og æskulýðsstarfi barna, ungmenna og fullorðinna. Markmiðið er að allir geti tekið virkan þátt á sínum vettvangi og jafnframt leitað sér aðstoðar eða leitað réttar síns vegna atvika og misgerða sem hafa átt sér stað án þess að óttast afleiðingar. Þjónusta og ráðgjöf samskiptaráðgjafa stendur öllum þeim til boða sem tilheyra skipulögðu íþrótta- og æskulýðsstarfi á landinu. Til samskiptaráðgjafa er hægt að leita með mál er varða andlegt-, líkamlegt- og kynferðislegt ofbeldi og áreitni, einelti og önnur sambærileg tilvik sem hafa komið upp á vettvangi íþrótta- eða æskulýðsstarfs. Einnig mun samskiptaráðgjafi koma á samræmdum viðbragðsáætlunum á landsvísu í þessum málaflokkum.

Starfi samskiptaráðgjafa sinnir Sigurbjörg Sigurpálsdóttir, klínískur sálfræðingur, með aðsetur í húsnæði Domus Mentis- Geðheilsustöðvar. Hægt er að hafa beint samband við hana og er hún með símatíma alla þriðjudaga kl. 10-11, í síma 839-9100. Utan þess tíma er hægt að hringja í símanúmerið en ekki alltaf öruggt að ná samtali. Einnig er hægt að senda tölvupóst á sigurbjorg@dmg.is sem verður svarað eins fljótt og hægt er.

Eftir samtal eða fyrstu samskipti við samskiptaráðgjafa er boðið upp á viðtal ef málið varðar áreitni, ofbeldi eða einelti. Þá er frekari upplýsinga aflað og í kjölfarið eru næstu skref ákveðin, ávallt í samráði við þann sem leitar til samskiptaráðgjafa. Einnig er hægt að leita eftir ráðgjöf hjá samskiptaráðgjafa, ekki þarf að fara lengra með mál ef viðkomandi kýs það ekki.

Samskiptaráðgjafi er óháður aðili sem getur aðstoðað og leiðbeint einstaklingum sem telja sig hafa verið beittir ofbeldi eða misrétti í íþrótta- eða æskulýðsstarfi. Þjónusta samskiptaráðgjafa er gjaldfrjáls.

Vefsíða samskiptaráðgjafa er www.samskiptaradgjafi.is og mun hún þjóna sem upplýsinga- og fræðslusíða starfsins. Hægt er að setja sig í samband við samskiptaráðgjafa í gegnum síðuna, tilkynna atvik og fá ráðgjöf eða aðrar upplýsingar.

GSÍ fylgir lögum ÍSÍ í lyfjamálum, lyfjaeftirlitsnefnd ÍSÍ sér um framkvæmd lyfjaeftirlits meðal íþróttafólks á Íslandi. Lyfjaeftirlitsnefndin starfar samkvæmt reglum Alþjóða lyfjaeftirlitsstofnunarinnar, WADA. Alþjóðlegt lyfjaeftirlit er framkvæmt í samræmi við Alþjóða lyfjaeftirlitsreglurnar (World Anti Doping Code) og alþjóðlega staðla WADA um lyfjaeftirlit.Gott lyfjaeftirlit er afar mikilvægt – bæði fyrir íþróttamanninn og íþróttina.

• Lyfjaeftirlit