Landslið kvenna +50 EM 2019: Ísland sigraði Sviss og endaði í 13. sæti

Þórdís Gerisdóttir, Svala Óskarsdóttir, María Málfríður Guðnadóttir, Ásgerður Sverrisdóttir, Kristín Sigurbergsdóttir liðsstjóri, Ragnheiður Sigurðardóttir og Anna Snædís Sigmarsdóttir.

Kvennalandslið Íslands skipað leikmönnum 50 ára og eldri keppti á Evrópumótinu sem fram fór í Búlgaríu.

Keppnin fer fram dagana 3.-8. september á Black Sea Rama Golf & Villas í Búlgaríu.

Liðið er þannig skipað: Þórdís Geirsdóttir (GK), María Málfríður Guðnadóttir (GKG), Ásgerður Sverrisdóttir (GR), Ragnheiður Sigurðardóttir (GKG), Anna Snædís Sigmarsdóttir (GK) og Svala Óskarsdóttir (GR).

Lokakeppnisdagur:

Ísland lék gegn Sviss í leik um 13. sætið. Ísland sigraði 3-2. María Málfríður Guðnadóttir og Anna Snædís Sigmarsdóttir sigruðu í fjórmenning á 23. holu eða á 5. holu í bráðabana.
Svala Óskarsdóttir tapaði 3/1, Þórdís Geirsdóttir tapaði 1/0, Ásgerður Sverrisdóttir sigraði á 21. holu eða á 3. holu í bráðabana og Ragnheiður Sigurðardóttir tryggði síðan Íslandi sigur með 2/1 sigri í sínum leik.

2. keppnisdagur:

Ísland náði að þoka sér upp í 14. sætið á öðrum keppnisdegi. Liðið mætir Sviss í 1. umferð B-riðli um laust sæti í undanúrslitum riðilsins. Austurríki og Noregur mætast í hinni viðureigninni. Ítalía og Finnland hafa nú þegar tryggt sér sæt í undanúrslitum B-riðils.

Ásgerður Sverrisdóttir.: 85 högg
Þórdís Geirsdóttir.: 77 högg
Anna Snædís Sigmarsdóttir.:89 högg
Svala Óskarsdóttir.: 89 högg
María Málfríður Guðnadóttir.: 86 högg
—–
Ragnheiður Sigurðardóttir.: 90 högg


1. keppnisdagur:

Íslenska liðið er í 15. sæti af alls 17 þjóðum. Ásgerður Sverrisdóttir lék best í íslenska liðinu í dag á fyrsta keppnisdeginum. Fimm bestu skorin af alls sex telja í höggleikskeppninni á fyrstu tveimur keppnisdögunum.

Ásgerður S. 78 högg
Þórdís G.: 81 högg
María M.G.: 87 högg
Ragnheiður S. 88 högg
Svala Ó.: 88 högg
Anna S.: 91 högg

Hér er hægt að fylgjast með gangi mála – skor, úrslit og rástímar:

(Visited 2.501 times, 1 visits today)