Mikill áhugi er hjá keppendum á Íslandsmótinu í golfi og fjöldi kvenna hefur aldrei verið meiri.

Alls verða 57 konur á meðal keppenda og 96 karlar, en Íslandsmótið hefst fimmtudaginn 18. júlí á Hólmsvelli í Leiru hjá Golfklúbbi Suðurnesja. Undankeppni fer fram í dag þar sem að 35 kylfingar keppa um 4 laus sæti á Íslandsmótinu.

Hlutfall kvenna er 37% í mótinu í ár – en meðaltalið frá árinu 2001 er 20%.

Þegar Íslandsmótið fór fram á Hólmsvelli í Leiru síðast, eða árið 2011, voru 26 konur sem tóku þátt.

Árið 2022 fór heildarfjöldi kvenna á Íslandsmótinu í golfi í fyrsta sinn yfir 40 keppendur en þá tóku 44 konur þátt sem er 29% hlutfall. Í fyrra á Urriðavelli var heildarfjöldi kvenna 48 eða 31%, og í ár fer heildarfjöldinn í fyrsta sinn yfir 50 en 57 konur taka þátt – sem er 37% hlutfall.

Hlutfall kvenna í golfíþróttinni á Íslandi er 38%.

Hér fyrir neðan má sjá heildarfjölda keppenda á Íslandsmótinu í golfi frá árinu 2001.