Veðrið hefur leikið við keppendur á Íslandsmótinu í golfi á Hólmsvelli í Leiru – en gríðarleg úrkoma var í stutta stund rétt eftir hádegi í dag á öðrum keppnisdegi.
Þá rigndi gríðarlega mikið og um tíma stefndi í að fresta þyrfti leik þar sem að 7. flöt vallarins (áður sú 6.) var á floti.
Afreksstjóri Golfsambands Íslands, Ólafur B. Loftsson, og Karen Sævarsdóttir, formaður mótanefndar GSÍ, brugðust skjótt við ásamt sjálfboðaliðum að koma vatninu af flötinni þegar hægði á rigningunni.
Eins og sjá á má á þessum myndum voru Ólafur og Karen mjög samtaka í þessari aðgerð – sem heppnaðist vel.
Veðurspáin fyrir næstu tvo daga er ágæt – og þá sérstakla á þriðja keppnisdeginum. Á lokadeginum, sunnudaginn 21. júlí, er spáin á þann veg að vindurinn gæti verið í stóru hlutverki.
![0H5A5423-5 - Golfsamband Íslands](https://www.golf.is/wp-content/uploads/2024/07/0H5A5423-5-1024x683.jpg)
![0H5A5458-2-5 - Golfsamband Íslands](https://www.golf.is/wp-content/uploads/2024/07/0H5A5458-2-5-1024x683.jpg)
![0H5A5458-6 - Golfsamband Íslands](https://www.golf.is/wp-content/uploads/2024/07/0H5A5458-6-1024x683.jpg)
![0H5A5481 - Golfsamband Íslands](https://www.golf.is/wp-content/uploads/2024/07/0H5A5481-1024x683.jpg)
![0H5A5481-5 - Golfsamband Íslands](https://www.golf.is/wp-content/uploads/2024/07/0H5A5481-5-1024x683.jpg)
![0H5A5485-5 - Golfsamband Íslands](https://www.golf.is/wp-content/uploads/2024/07/0H5A5485-5-1024x683.jpg)