Mótaskrá Golfsambands Íslands fyrir keppnistímabilið 2019 er hér fyrir neðan.
Golfsumarið 2019 verður kynnt með formlegum hætti þann 16. maí 2019.
Keppni á áskorendamótaröðinni og unglingamótaröðinni hefst helgina 17.-19. maí.
Keppni á stigamótaröð GSÍ hefst helgina 24.-26. maí.
Athygli er vakin á því að Íslandsmótið í golfi, höggleikur, á stigamótaröð GSÍ í fullorðinsflokki fer nú fram í ágúst. Íslandsmótið er í umsjón Golfklúbbs Reykjavíkur.
Það sama er uppi á teningnum í unglingaflokki en Íslandsmótið í höggleik fer fram í ágúst.
Íslandsmótið í holukeppni í unglingaflokki fer fram um miðjan júní en ekki er búið að staðfesta hvar það mót fer fram.
Mótaskráin er hér fyrir neðan en hún er birt með fyrirvara um breytingar.
