Móti sem átti að fara fram föstudaginn 26. maí á Áskorendamótaröð barna og unglinga á Kálfatjarnarvelli hjá Golfklúbbi Vatnsleysustrandar hefur verið frestað.
Þetta kemur fram í tilkynningu frá Golfklúbbi Vatnsleysustrandar sem er framkvæmdaraðili mótsins.
Veðurspáin fyrir föstudaginn er með þeim hætti að mótstjórn tók þá ákvörðun að fresta mótinu.
Á Áskorendamótaröðinni keppa börn – og unglingar sem eru að stíga sín fyrstu skref í keppnisgolfi.
