Ólafía Þórunn Kristinsdóttir (GR) og Valdís Þóra Jónsdóttir (GL) komust ekki í gegnum úrtökumótið fyrir Evian meistaramótið á LET Evrópumótaröðinni. Mótið fór fram á keppnisvellinum í Frakklandi þar sem risamótið fer fram síðar á þessu ári. Ólafía endaði á 6 höggum yfir pari eftir 36 holur en Valdís var á 19 höggum yfir pari. Tveir kylfingar komust áfram á risamótið en alls eru fimm risamót í kvennaflokki á á LPGA og LET Evrópumótaröðinni.
Maria Verchenova frá Rússlandi og Nanna Koertz Madsen frá Danmörku komust áfram. Verchenova lék á einu höggi undir pari en Madsen á +1 samtals.
