Ólafía Þórunn Kristinsdóttir er í 51. sæti fyrir lokahringinn á LPGA móti sem fram fer í Grand Rapids í Michigan í Bandaríkjunum. Meijer LPGA Classic for Simply Give heitir mótið.
Ólafía er á -5 samtals. Hún fékk alls sex fugla í dag á hringnum sem var frekar litríkur eins og skorkortið gefur til kynna. Hún var á -3 þegar hún hafði lokið við 36 holur.
Ragnar Már Garðarsson, afrekskylfingur úr GKG, er með Ólafíu Þórunni á þessu móti sem aðstoðarmaður. Hann hefur verið henni til aðstoðar í undanförnum mótum og mun hann vera í því starfi á næstu mótum.
Ólafía Þórunn er að leika á sínu 14. móti á þessu tímabili. Hún hefur komist í gegnum niðurskurðinn á fjórum þeirra.
