Ólafur Björn Loftsson, afreksstjóri Golfsambands Íslands, valdi á dögunum 29 leikmenn í landsliðshóp GSÍ. Hópurinn kom saman í fyrstu æfingabúðir vetrarins dagana 15.-17. nóvember.
“Það er alltaf jafn spennandi að hefja nýtt tímabil og finna fyrir þessum mikla áhuga hjá okkar bestu og efnilegustu afrekskylfingum. Æfingabúðirnar heppnuðust mjög vel og það var sérstaklega gaman að taka á móti mörgum nýjum ungum kylfingum. Stærra skref var tekið í ár að leggja meiri áherslu á yngri landsliðskylfinga ásamt því að fækka í landsliðshópnum. Samhliða því hefur staðið yfir mikil vinna við að styrkja alla umgjörð afreksstarfsins. Landsliðskylfingar munu hljóta aukinn stuðning á næsta ári sem skiptir þá miklu máli á þeirra háleitu vegferð”
Fyrsta verkefni hópsins í æfingabúðunum fór fram í Háskólanum í Reykjavík föstudaginn 15. nóvember þar sem að Ólafur Björn fór yfir kynningu á starfseminni fyrir kylfinga, foreldra þeirra og þjálfurum.
Laugardaginn 16. nóvember fóru fram æfingar í aðstöðu GKG í Kórnum og í knattspyrnuhúsinu Fellinu í Mosfellsbæ. Sunnudaginn 17. nóvember æfði hópurinn í aðstöðu Keilis í Hraunkoti.
Í byrjun janúar á næsta ári fer landsliðshópurinn í æfingaferð til Spánar. Undanfarin tvö ár hefur hópurinn farið til Hacienda del Alamo en nú verður haldið á nýjan stað.
“Það ríkir mikil eftirvænting eftir æfingaferðinni enda ótrúlega dýmætur tími til að þróa sinn leik og styrkja tengsl á milli kylfinga. GSÍ samdi við La Finca golfsvæðið sem er eitt flottasta svæði í Alicante og hefur allt sem við vorum að leitast eftir. Frábær golfvöllur og glæsileg æfingaaðstaða. Við erum þakklát að geta boðið okkar afrekskylfingum upp á þetta tækifæri og hlökkum mikið til.”
Landsliðshópurinn er þannig skipaður:
| Nafn | Klúbbur |
| Arnar Daði Svavarsson | GKG |
| Aron Emil Gunnarsson | GOS |
| Auður Bergrún Snorradóttir | GM |
| Björn Breki Halldórsson | GKG |
| Bryndís Eva Ágústsdóttir | GA |
| Böðvar Bragi Pálsson | GR |
| Dagbjartur Sigurbrandsson | GR |
| Elva María Jónsdóttir | GK |
| Eva Fanney Matthíasdóttir | GKG |
| Eva Kristinsdóttir | GM |
| Fjóla Margrét Viðarsdóttir | GS |
| Guðjón Frans Halldórsson | GKG |
| Gunnar Þór Heimisson | GKG |
| Gunnlaugur Árni Sveinsson | GKG |
| Halldór Jóhannsson | GK |
| Hjalti Kristján Hjaltason | GM |
| Hulda Clara Gestsdóttir | GKG |
| Kristján Karl Guðjónsson | GM |
| Logi Sigurðsson | GS |
| Markús Marelsson | GK |
| Máni Freyr Vigfússon | GK |
| Óliver Elí Björnsson | GK |
| Pamela Ósk Hjaltadóttir | GM |
| Perla Sól Sigurbrandsdóttir | GR |
| Sara María Guðmundsdóttir | GM |
| Skarphéðinn Egill Þórisson | NK |
| Skúli Gunnar Ágústsson | GK |
| Tómas Eiríksson Hjaltested | GR |
| Veigar Heiðarsson | GA |