María Högnadóttir gerði sér lítið fyrir og sló draumahöggið á 5. braut á Selsvelli á Flúðum í gær – í höggleikskeppni Íslandsmóts golfklúbba 14 ára og yngri.
María, sem keppir með sameiginlegu liði Keilis og Setbergs vissi ekki að boltinn hefði hafnaði ofaní holunni – fyrr en hún kom að flötinni.
Eins og sjá má þessari myndasyrpu en myndirnar tók Svavar Geir Svavarsson.
Allir kylfingar hafa látið sig dreyma um að fara holu í höggi en hverjar eru líkurnar á því að slíkt gerist?
Á hverju ári eru um 150.000 draumahögg slegin á heimsvísu.
12.500 – Meðalkylfingur þarf 12.500 tilraunir til þess að ná því að fara holu í höggi.
5.000 – Lágforgjafarkylfingur þarf um 5.000 tilraunir til þess að slá boltann ofan í holuna í teighögginu.
2.500 – Atvinnukylfingar þurfa aðeins færri tilraunir, eða um 2.500, til þess að sjá boltann detta ofaní holuna eftir upphafshöggið.
51 – Oftast allra – heimsmet: Bandaríkjamaðurinn Mancil Davis er sá kylfingur sem hefur oftast farið holu í höggi. Davis er PGA-kennari og hefur slegið draumahöggið í 51 skipti á ferlinum.
200 ára biðtími – Meðalkylfingur þarf 200 ár til þess að ná draumahögginu en þeir kylfingar sem leika 75 hringi að meðaltali á ári þurfa aðeins að bíða í 30 ár eftir að ná því að fara holu í höggi.
Þriðjudagar – Á hvaða vikudegi eru mestar líkur á því að fara holu í höggi? – Jú, það er á þriðjudögum, samkvæmt tölfræðisamantekt á heimsvísu.
Lengsta færið: Mike Crean dúndraði boltanum ofan í holuna af 472 metra færi á par 5 holu á golfvelli í Denver í Colorado-ríki í Bandaríkjunum. Hann gat reyndar stytt sér leið með því að slá yfir skóg, sem hann gerði, og niðurstaðan var fullkomin.
1% kylfinga á Íslandi
Samkvæmt tölfræði sem birt er á vef Einherjaklúbbsins á Íslandi fara innsn bið 1% kylfinga landsins holu í höggi árlega. Rétt tæplega þó, því 130-140 draumahögg eru slegin árlega af íslenskum kylfingum.
Ragnar Einarsson er yngsti íslenski kylfingurinn sem hefur farið holu í höggi. Hann var sex ára árið 1994 þegar hann fór holu í höggi. Arnar T. Sigþórsson er sá elsti sem hefur afrekað að fara holu í höggi af íslenskum kylfingum. Hann var 98 ára gamall árið 1985 þegar hann sló draumahöggið.
Nánar um mótið í fréttinni sem er neðst í þessari grein:
