Perla Sól Sigurbrandsdóttir, GR, keppti með úrvalsliði Evrópu á PING Junior Solheim Cup sem fram fór 9.-10. september.
Perla Sól er fyrsti íslenski kylfingurinn sem er valin í úrvalslið Evrópu í þessari keppni þar sem að úrvalslið stúlkna frá Evrópu og Bandaríkjunum mætast.
Keppnin fór fram dagana 9.-10. september á Army Navy Country í Arlington í Virginíufylki. En leikmenn beggja liða gátu verið á aldrinum 12-18 ára.
Bandaríska úrvalsliðið var með nokkra yfirburði í þessari keppni og sigraði 18,5- 5,5.
PING Junior Solheim Cup fer fram áður en sjálfur Solheim-bikarinn, á milli Bandaríkjana og Evrópu, hefst þann 13. september á Robert Trent Jones vellinum í Virginíu í Bandaríkjunum.
Hér fyrir neðan eru myndir af Perlu Sól sem teknar voru á meðan mótið fór fram.
