Perla Sól Sigurbrandsdóttir, GR, setti i gær vallarmet af rauðum teigum (fremstu teigum) á Strandarvelli hjá Golfklúbbnum Hellu. Perla Sól lék á 72 höggum eða tveimur höggum yfir pari sem er glæsilegur árangur hjá Perlu sem er 14 ára en verður 15 ára í haust.
Perla Sól var að leika í höggleikskeppninni á Íslandsmóti golfklúbba 15 ára og yngri sem hófst í gær á Strandarvelli. Hún er ríkjandi Íslandsmeistari í sínum aldursflokki í höggleik – og holukeppni. Hún er einnig í stúlknalandsliði Íslands sem var tilkynnt í gær.
![image0 - Golfsamband Íslands](https://www.golf.is/wp-content/uploads/2021/06/image0-813x1024.jpeg)