Það verður mikið um að vera í golfíþróttinni á Suðurnesjum á næstu vikum.
PGA golfkennaranemar ætla að bjóða upp á púttkennslu sem fer fram laugardag 20. júlí kl 10 til 14. á púttflötinni við Heilbrigðisstofnun Suðurnesja.
Markhópur eru allir almennir kylfingar, byrjendur jafnt sem lengra komnir, börn og fullorðnir.
Einkakennsla, keppni og leikir.
Þátttakendur fara allir í pott og eiga möguleika á að vinna gjafabréf í Golfskálanum golfverslun.
Íslandsmótið í golfi hefst fimmtudaginn 18. júlí á Hólmsvelli í Leiru hjá Golfklúbbi Suðurnesja. Mótið stendur yfir í fjóra daga og er tilvalið fyrir áhugasama að fá púttkennslu og fara síðan og fylgjast með bestu kylfingum landsins á Íslandsmótinu í golfi.
![PUTTKENNSLA-PGA- - Golfsamband Íslands](https://www.golf.is/wp-content/uploads/2024/07/PUTTKENNSLA-PGA--1024x1024.jpg)