Sigurbjörn Þorgeirsson, GFB, Ragnheiður Sigurðardóttir, GKG og Hjalti Pálmason, GM tóku þátt á Evrópumeistaramóti einstaklinga í flokki 50 ára og eldri nýverið. Mótið fór fram á Kikuoka Country Club í Lúxemborg dagana 13.-15. júní.
Í karlaflokki tóku 90 keppendur þátt og 54 í kvennaflokki.
Í karlaflokki réðust úrslitin í bráðabana þar sem að þrír keppendur voru jafnir á -3 samtals. Rodrigo Lacerda Soares frá Frakklandi tryggði sér sigurinn í bráðabananum.
Í kvennaflokki sigraði Annick Riff frá Belgíu en hún lék á 9 höggum yfir pari samtals.
Smelltu hér fyrir úrslit mótsins:
Hjalti Pálmason endaði í 18. sæti á 222 höggum eða 6 höggum yfir pari samtals.
Sigurbjörn Þorgeirsson endaði í 44. sæti á 230 höggum eða +14 samtals.
Ragnheiður lék á 163 höggum samtals eða +19 en hún komst ekki í gegnum niðurskurðinn að loknum öðrum keppnisdegi.
