Í niðurstöðum rannsóknar sem birtar voru í júlí 2017 kemur fram að 83% áhorfenda á golfmóti gengu að meðaltali 11.589 skref á einum degi á meðan þeir fylgdust með mótinu. Þessi hópur náði þar með gönguvegalengd sem rannsóknir hafa sýnt að hafi marktæk áhrif til betri heilsu – eða sem nemur 10.000 skrefum eða meira.
Dr. Andrew Murray stýrði rannsókninni sem fram fór árið 2016 á „Paul Lawrie holukeppnismótinu“ á Archerfield Links vellinum í Skotlandi. Alls tóku 339 áhorfendur þátt í rannsókninni.
Áhorfendur á golfmótum eyða löngum tíma úti í náttúrunni í grænu umhverfi samhliða því að njóta samvista við vini, fjölskyldu og kunningja. Í fjölmörgum rannsóknum hefur verið sýnt fram á að allir þessir þættir hafa góð áhrif á andlega heilsu og geðheilbrigði.
Áhorfendur á þessu móti gengu að meðaltali 8-10 km. og brenndu meira en 1000 kaloríum á dag við gönguna.
Í rannsókninni voru skrefamælar notaðir og niðurstöðurnar sýndu m.a. fram á að karlar ganga að meðaltali 1800 skrefum meira en konur á einum degi á golfmóti.
Í svörum frá þátttakendum í rannsókninni kom fram að holl útivera og hreyfing átti stóran þátt í því að þeir völdu að fara sem áhorfendur á atvinnugolfmótið. Þar að auki sögðu 60% þátttakenda í rannsókninni að aukin líkamleg hreyfing væri á meðal langtímamarkmiða þeirra.
Fylgst var með áhorfendunum sem tóku þátt í rannsókninni í nokkra mánuði eftir rannsókninni lauk. Þar komu fram að 40% þeirra sem tóku þátt í rannsókninni fór að hreyfa sig meira og oftar eftir að golfmótinu lauk.
Niðurstaðan er afar áhugaverð að mati Dr. Andrew Murray og jafnframt hvatning fyrir skipuleggjendur golfmóta að nálgast áhorfendur með skilaboðum um þann heilsuágóða sem felst í því að upplifa spennuna á sjálfum keppnisvellinum.
Heimild: R&A Golf and Health 2016-2020
