Tryggvi Valtýr Traustasson, GSE og Ragnhildur Sigurðardóttir, GR eru Íslandsmeistararar 35 ára og eldri. Tryggvi Valtýr spilaði hringina þrjá á 215 höggum en það tryggði honum titilinn eftirsótta. Annar í karlaflokki varð Helgi Anton Eiríksson, GSE á 216 höggum einu höggi á eftir Tryggva. Þriðji varð Þórður Emil Ólafsson, GL á 218 höggum.
Ragnhildur Sigurðardóttir, GR tryggði sér titilinn í kvennaflokki en hún spilaði hringina þrjá á 220 höggum. Önnur varð Þordís Geirsdóttir, GK en hún hafði titil að verja, Þórdís spilaði á 223 höggum. Þriðja varð Hansína Þorkelsdóttir, GKG á 242 höggum.
Óhætt er að segja að veðrið hafi verið í aðalhlutverki í Eyjum um helgina og þó að kylfingarnir hafi náð að spila hringina þrjá þá voru aðstæðu oft á tíðum afar erfiðar. Rok, rigning og þoka setti svip sinn á mótið en alls tóku ríflega 100 kylfingar þátt í mótinu og keppt varð í þremur flokkum í karla og kvenna, upplýsingar um sigurvegara í öðrum flokkum er að finna á golf.is
Karlaflokkur
1. sæti Tryggvi Valtýr Traustason GSE 70/69/76 =215 +8
2. sæti Helgi Anton Eiríksson, GSE 75/70/71 = 216 +9
3. sæti Þórður Emil Ólafsson, GL 70/76/72 = 218 +11
Kvennaflokkur
1. sæti Ragnhildur Sigurðardóttir GR 67/77/76 =220 +13
2. sæti Þórdís Geirsdóttir GK 69/78/76 = 223 +16
3. sæti Hansína Þorkelsdóttir GKG 77/76(89 =242 +35