Skráning hefur verið opnuð á Jaðarsmótið á Unglingamótaröðinni en mótið fer fram á Jaðarsvelli á Akureyri dagana 16.-18. júlí 2021. Golfklúbbur Akureyrar er framkvæmdaraðili mótsins sem er hluti af stigamótaröð GSÍ í unglingaflokki.
Leikfyrirkomulag
Höggleikur, 18 holur á dag. Í flokkum 17-18 ára og 19-21 árs eru leiknar 54 holur en 36 holur í öðrum flokkum. Keppt skal samkvæmt gildandi reglugerð um stigamót unglinga og móta- og keppendareglum GSÍ.
Áætlaðir rástímar
Föstudagur 13:00 – 16:00 Athugið: Einungis flokkar 17-18 ára og 19-21 árs
Laugardagur 08:00 – 16:00
Sunnudagur 08:00 – 16:00
Rástímar og ráshópar
Rástímar verða birtir á golf.is á fimmtudeginum fyrir mót. Ræst verður út af 1. teig með 10 mínútna millibili. Á fyrsta keppnisdegi er keppendum raðað af handahófi á rástíma en síðan verður raðað út eftir skori.
Rásröðun
Föstudag: 19-21 árs, 17-18 ára.
Laugardag: 19-21 árs, 17-18 ára, 15-16 ára og 14 ára og yngri.
Sunnudag: 15-16 ára,14 ára og yngri, 19-21 árs og 17-18 ára,
Þátttökuréttur
Hámarksforgjöf í flokkum 17-18 ára og 19-21 árs kk er 15 í fgj
Hámarksforgjöf í flokkum 17-18 ára og 19-21 árs kvk er 25 í fgj
Hámarksforgjöf í flokkum 15-16 ára og 14 ára og yngri kk er 30
Hámarksforgjöf í flokkum 15-16 ára og 14 ára og yngri kvk er 36
Ef fjöldi skráðra fer yfir hámark í hverjum flokki miðast forgjöf kylfinga kl:8:00 morguninn eftir að skráningarfresti lýkur hverjir fá þátttökurétt.
Ef ekki næst hámarksfjöldi í einhverjum flokki verður mótstjórn heimilt að fjölga í öðrum.
Mótsstjórn heimilt að sameina flokka ef þátttakendur í flokki eru færri en 4.
Skráning
Þátttakendur skulu skrá sig í jaðarsmótið á www.golf.is fyrir kl. 23:59 miðvikudaginn 14. júlí. Engar undantekningar á skráningu í mótið verða leyfðar eftir að skráningu lýkur, þó svo laus sæti séu í mótið. Allar breytingar á skráningu í mótið ber að senda í tölvupósti á gagolf@gagolf.is. Athugið að kylfingur verður ekki afskráður úr mótinu eftir að rástímar hafa verið birtir.
Æfingahringur
Einn æfingahringur er innifalinn í mótsgjaldi. Keppnisvöllurinn verður opinn til æfinga fyrir skráða keppendur í síðasta lagi einum degi fyrir mót. Vinsamlegast hafið samband við klúbbinn til að bóka rástíma. En athugið að greiða verður mótsgjaldið áður en æfingahringur er leikinn. Athugið almennar reglur um æfingahring.
Kylfuberar
Kylfuberar eru leyfðir í flokki 14 ára og yngri en bannaðir í öðrum flokkum.
Mótsstjórn
Steindór Kristinn Ragnarsson, Jón Heiðar Sigurðsson, Tryggvi Jóhannsson, Jón Thorarensen.
