Valdís Þóra Jónsdóttir úr Golfklúbbnum Leyni hóf leik fimmtudaginn 20. júní á LET Evrópumótaröðinni. Að þessu sinni er leikið í Taílandi.
Valdís Þóra var í 49. sæti þegar keppni var hálfnuð á +3 samtals. Hún lék fyrsta hringinn á pari vallar eða 72 höggum en hún lék á 75 höggum á öðrum hringnum. Í nótt lék hún á -1 eða 71 höggi og þokaði sér upp um 12 sæti fyrir lokahringinn og er hún í 37. sæti.
Keppnissvæðið heitir Phoenix Gold Golf & Country Club í borginni Pattaya. Alls verða fjórir keppnishringir.
Heimasíða LET Evrópumótaraðarinnar:
