Valdís Þóra Jónsdóttir, atvinnukylfingur úr Leyni Akranesi, er hér í viðtali við heimasíðu LET Evrópumótaraðarinnar. Þar svarar Valdís nokkrum laufléttum spurningum um það helsta sem hefur gerst á hennar ferli.
Valdís Þóra er á sínu fyrsta ári á sterkustu atvinnumótaröð Evrópu í kvennaflokki. Hún náði fínum árangri á sínu fyrsta móti í Ástralíu og komst í gegnum niðurskurðinn. Næstu verkefni hjá Valdísi eru í Marokkó um miðjan apríl og í kjölfarið leikur hún á móti á Spáni.
